Ad audiendam orationem qua cum iudicia quinque ordinum Universitatis Fridericiae Guilelmiae Rhenanae de litterarum certaminibus anni 1867-1868 facta : tum novae quaestiones ano MDCCCLXVII-MDCCLXIX : propositae renuntiabuntur die IV mensis augusti hora XI habendam ea qua par est observantia / invitat Maximilianus Schultze ; praecedunt Observationes de structura cellularum fibrarumque nervearum.

  • Schultze, Max, 1825-1874.
Date:
[1869]
Catalogue details

Licence: Public Domain Mark

Credit: Ad audiendam orationem qua cum iudicia quinque ordinum Universitatis Fridericiae Guilelmiae Rhenanae de litterarum certaminibus anni 1867-1868 facta : tum novae quaestiones ano MDCCCLXVII-MDCCLXIX : propositae renuntiabuntur die IV mensis augusti hora XI habendam ea qua par est observantia / invitat Maximilianus Schultze ; praecedunt Observationes de structura cellularum fibrarumque nervearum. Source: Wellcome Collection.

    14/24 (page 8)
    6) Ex iis quae hucusque exposui, sententia nostra de structura fibrarum nerve ar um haec est: gravissimum structurae elementum tenuissimae fibrillae vi- dentur, quibus nomen tribuendum propono fibrillae nerveae primitivae, quae separatae inveniuntur et in substantia grisea cerebri et medullae spinalis scilicet ultimi et tenuissimi ramuli processuum cellularum nervearum et in periphericis nervorum terminationibus, ubi ramificatione cylindrorum axis exoriuntur. Pro- cessus cellularum nervearum omnes crassiores, priusquam in ramos exeant, fas- ciculi sunt harum fibrillarum primitivarum substantia interfibrillari conglutina- tarum. Quod idem attinet ad processus ramificatos et ad cylindros axis omnium fibrarum medullarium nisi ita subtiles sunt ut ex una fibrilla primitiva constent, quae in organis centralibus systematis nervosi exstare videntur. Sicut fibrae nerveae crassiores ita etiam omnes cellulae multipolares e qui- bus cylindri axis peripherice percurrentes originem ducunt, maximam partem e fibrillis nerveis primitivis substantiaque interfibrillari constant. Fibrillae non in ipso harum cellularum corpore oriri sed per multos illos processus iam perfectae adduci videntur, quarum situs autem in cellulis mutatur ita ut ex illa mutatione inter alia qui dicitur cylinder axis efficitur, cuius fibrillae igitur ex diversissimis partibus systematis nervosi oriri possunt. Sed aliae quoque organorum centralium cellulae nerveae, quae non in ipsa radice nervorum periphericorum sitae sunt eandem habent fibrillarem structuram velut cellulae maiores corticis cerebrelli et cerebri. Quare illae quoque cellulae fortasse nil nisi transitus fibrillarum alio loco perfectarum sunt, scilicet loci in quibus fibrillae inter se appropinquatae aut pro re separatae situ mutantur. Si- milem denique vim fortasse habent cellulae gangliorum spinalium et nervi sympathici, structuram fibrillarem praebentes, quarum processus parum adhuc noti sunt. Ubi tandem origo et initium centrale fibrillarum, tenuissimarum quaerendum est? Non nisi eoniectando respondere licet. Fortasse huc pertinent innumerabiles minutae cellulae, quae in cerebro et cerebello positae sint, quarum partem modo satis exiguam accuratius novimus. Versamur in rebus prorsus incertis neque huius loci est amplius coniecturas persequi. Satis esse duxi hic observationes prodidisse, e quibus verisimile est, in maioribus cellulis nerveis cerebri et me- dullae spinalis initium centrale fibrillarum nervearum non exstare. Sed aliud commemoratione haud indignum est, in quod observationibus meis ducimur, nimirum magis magisque palam fieri, perfectum consensum esse inter structuram penitiorem nervorum animalium vertebratorum et e vertebratorum. De