Ad dijudicandam affectionem hepatis syphiliticam supplementa fragmentaria proponit : dissertatio inauguralis pathologico-anatomica ... / publice defendet auctor Fridericus Boehmer ; opponentibus Th. Petruschky, F. Hoppe, R. Spiegelberg.

  • Boehmer, Friedrich.
Date:
[1852]
Catalogue details

Licence: Public Domain Mark

Credit: Ad dijudicandam affectionem hepatis syphiliticam supplementa fragmentaria proponit : dissertatio inauguralis pathologico-anatomica ... / publice defendet auctor Fridericus Boehmer ; opponentibus Th. Petruschky, F. Hoppe, R. Spiegelberg. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    21/44 (page 17)
    Hepatis cicatrices, sive, ut propius ad rem accedam, strata cellulo - fibrosa parenchymatis locum tenentia, ad frequentissima diuque cognita phaenomena pertinent. Si- stunt enim indicia sanatorum vulnerum, rupturarum, apo- plexiarum, abscessuum, cystarum et acephalocystarum ul- ceratarum, tuberculorum liquefactorum, fungorum medul- larium reticulatorum, telangiectasiarum obsoletarum etc. Verum etiam producta exhibent processuum morbo- sorum, per majores hepatis partes diffusorum, inter quos atrophia et inflammatione exortum hepar granulatum, ad- haesiva hepatitis et hepatis atrophia, obliterante pylephle- bitide inducta — utrum jure nec ne, quaeritur —, di- stingui solent. Tela cellulo - fibrosa omnibus his in casibus ex fibris telae conjunctivae et elasticae veterioribus et recentio- ribus consistit. Modo indoles ejus est densa, solida, fibroides, imo callosa, resistentia chondrosyndesmoidea, scirrhosa, color sordido - albus, penuria ingens vasorum sanguiferorum, cultro incisa fremit et crepitat; modo rarior est, lace- ratu facilior, magis cellularis et vascularis, variis modis rubefacta. Quod discrimen redundat ex quantitate fibrarum ela- sticarum nuclearium et elementorum recentium, ex gradu tensionis texturae et corrugationis hisce momentis in- ductae. Ceteroquin minor consistentiae gradus in majorem potest abire, quanquam haec metamorphosis diuturnitate mali necessaria non redditur; altera autem parte indoles jam per se callosa producti pathologici formatione cel- lularum cartilaginearum et ossearum, depositione salium 2