De pemphigo neonatorum : dissertatio inauguralis ... / publice defendet Gustavus Krauss ; opponentibus Ign. Redemann, God. Lütz, Chr. Ringens.

  • Krauss, Gustav, 1813-
Date:
[1834]
Catalogue details

Licence: Public Domain Mark

Credit: De pemphigo neonatorum : dissertatio inauguralis ... / publice defendet Gustavus Krauss ; opponentibus Ign. Redemann, God. Lütz, Chr. Ringens. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/27 (page 9)
    Consbruch i) sub nomine ,,Heidenpocken“ eruptionem bullosam commemorat, maxime cum pemphigo convenientem, et quae in neonatis pauperae praecipue classis et rure haud raro oc- currat. Primis post partum diebus bullae pellucidae in conspectum se dabant variae magnitudinis, minores pisum, tonsillam maiores forma et magnitudine adaequantes, sine rubore, humore limpido diebus tertio vel quarto vel quinto flavescente, dein albicante, turgidae. Tum diruptae, macula rubra relicta, mox sanabantur. In partibus vero integris et sanis novae usque exsistebant et qui- dem ad quartam hebdomadem, ita ut tandem totum corpus excoriatum videretur , novamqne epi- dermidem nancisceretur. Sola facies intacta manebat. Capitis crinati bullae loca magna calva re- linquebant. Liberi, in hunc morbum delapsi , perpetuo vagiunt quidem, neque tamen febri nec spasmis laborant, nec deest potandi cupido. Excretiones sunt normales. — Tertia demum hebdo- made infantum uni viribus debilitato bullae collabebantur , et partim plane evanescebant. Adve- niebant spasmi, et balneo tepido novae bullae. Nihilominus infans ille sub spasmis occubuit; duo morbum feliciter superarunt. Ring 2) infantem observavit, in quo triduo quatriduove post partum bullae fere qualuordc- cim permagnae , subrotundae, in pectore efflorescebant. Ipse infans neque in eruptionis stadio, neque in totius morbi decursu aegrotabat. Bullis integumentorum pressura diruptis, loca af- fecta, cerato simplici imposito , brevi sanata sunt. Stockes 3) describit pemphigum infantilem, in plebe Ilibernica inm saepius observatum, eumque pemphigum gangraenosum nominat. Insidebat aurium potissimum superficiei dorsali. Bul- lis refert praegressam esse paululum prominentem partium adiacentium lividam suffusionem. Bul- lae biduum triduumve crescentes dirumpebantur, liquorem clarum quidem, sed foetentem, nonnun- qtiam etiam flavescentem, puriformem effundentes, et in ulcera odoris foetidi, margine cinereo commutatae, quae mox amplificatae, auris cartilaginem a cranio separabant. Super totum meatum auditorium et oculos extensa, coecum aegrotum reddebant. Decimo ad undecimum diem mors se- quebatur , convulsionibus praegressis. Willan 4) pemphigi mentionem facit, quo nonnullos infantes debiles, emaceratos, cute sicca corrugata , mexime statim post partum affectos, doloribus, agrypnia, febri vehementi paucis diebus post mortuos vidit. Bullae parvae primum et limpidae erant, maiores deinde margine e livido rubro circumdatae. Diruptas suppuratio secuta est, ultra bullarum fines extensa et magnos dolores excitans. G. W. Stein 5) mai. n. infantem demortuum, G. W. Stein min. n, viventem cum pem- phigo connato in mundum editos commemorant. Schmidt, Vindobonensis, in infante quinque post partum horis demortuo , loca vidit rotunda, pisi magnitudine, excoriata, quorum alia sanare iam coeperant , alia, uti in pollicis su- perficie interna, materiam purulentam secernebant. 1) Huf. Journ. d. prakt. Hcilk. Bd. XXVII. S. 108. J. 1808. a) Sammlung auscrlcs. Abhandl. f. prakt. Aerzte. Bd. XIII. p. 624. 3) Med. and Phys. Journ. Vol. XIX. 4) Cuteaneous diseases p. 58;.