De pathologia ulceris chronici ventriculi : dissertatio inauguralis medica quam consensu et auctoritate gratiosissimi medicorum ordinis in Academia Christiana Albertina / scripsit Fridericus Guilielmus Schlaikier.

  • Schlaikier, Fridericus Gulielmus.
Date:
1854
Catalogue details

Licence: Public Domain Mark

Credit: De pathologia ulceris chronici ventriculi : dissertatio inauguralis medica quam consensu et auctoritate gratiosissimi medicorum ordinis in Academia Christiana Albertina / scripsit Fridericus Guilielmus Schlaikier. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    6/10 (page 6)
    turbaret. Si interdum dolores vehementissimi et gravissimi exoriuntur, possint a fortuita rami nervorum alicujus denudatione proficisci. Sarcina autem ventriculi, quae vocatur, in ulcere chronico, ut videtur, habet, quo facillime et aptissime et excitetur et augeatur, quum hunc parasitum in omnibus a me quidem observatis casibus ulceris chronici ventriculi deprehenderim, et ventriculi ulcere perforante afflicti conditione examinata et explorata in ulcere mihi idem praecipue enasci visus est. In omnibus casibus concoctionis succo non magis affectus exstitit, quam ventriculi epithelium, quare mihi valde probabile videtur, hunc quoque officere, quo minus perforatio celerius incidat. SYMPTOMATO LOGIA. Praestantissimum symptoma ulceris ventriculi dolor ille utique est, qui tum in ventriculi regione solum animadvertitur, tum dorsum similiter corripit, tum a dorso proficiscens in ventriculum promanare videtur, ut re non satis accurate explorata spondylitidem deprehendisse tibi videaris. Dolores spontanei solent brevi tempore, ex quo cibus sumptus est, oriri et quo cibus ad concoquendum difficilior est, eo diu- tius perseverant, aut, ut aliae conditiones obversentur, tum breve tempus tum diutius permanent. Saepius quoque ventriculi regione perfrictione afflicita excitantur, et tum per plures dies, quin etiam hebdomades continuari solent et saepissime ad sum- mam vehementiam progrediuntur, ut ejusmodi aegroti, si diutius hoc malo laboraverunt, miserum aspectum praebere soleant. Feminam quandam olim vidi dolorum vehementia gravissima eo adductam, ut se ipsa interficeret. In hoc casu carcinoma obversari putabatur, sectione autem facta ulcus chronicum simplex inventum est, quod ad ma- jorem amplitudinem provectum fuit. Cardialgia, quae vocatur, solet ab ulcere ita dis- cerni, ut in illa dolores cibo sumpto sedari dicantur, in ulcere autem augeri aut om- nino advocari judicentur. Atque etiamsi saepissime potueris his indiciis confidere, tamen non semper valent. Hae enim affectiones mere nervosae arctissime cum ulcere conjunctae sunt et plures aegrotos observavi, quorum sanguinis eructationes aliaque symptomata ratione quam maxime certa ventriculi ulcera obversari indicaverunt, qui nihilominus commendatam diaetam temperatam, imprimisque cibi abstinentiam sese perferre omnino non posse professi sunt, in plerisque vero casibus quum cibum con- sumpsissent, dolorum levamentum quoddam per aliquantum temporis se percepisse. Apud nonnullos aegrotantes cibi qualitas minus, potius nihil valere videtur, in pluri- mis autem casibus lac et liquida alimenta omnino saluberrima sunt, acida contra et solida alimenta utilitati minime sunt. In nostra regione praecipue panis niger his aegrotis dolores excitare valet. Animi motus pariter vehementissimos dolores saepe adducere solent, ut mulieres complures malum ab animi motibus profectum esse opinentur. Praeter dolores hos spontaneos in ventriculi regione locus fere invenitur, qui compressus dolorem efficit; si vero ulcus in posteriore ventriculi pariete situm est, saepe deest hoc indicium. In paucis casibus durities quaedam circumscripta per ab-