De trismo neonatorum dissertatio inauguralis / [Joseph Ghisio].

  • Ghisio, Joseph.
Date:
1832
Catalogue details

Licence: Public Domain Mark

Credit: De trismo neonatorum dissertatio inauguralis / [Joseph Ghisio]. Source: Wellcome Collection.

    13/32 (page 13)
    affectum in humoribus nutricis nata, jam firmius aetate sensorium commune nutricis ipsius turbare nequeat, attamen pauculum lactis ab iratae illius uberibus ductum, tene- rum, et mobile infantis corpusculum tam misere afficit. Inflammationes, vulnerationes, et compressiones partium diversarum saepius qua causae trismum excitantes notabantur. Nonnulli inflammationem umbilici ex nimia ejus constrictione productam, v eluti causam hujus morbi agnoscunt; alii ex pravo obste- tricum more frenulum linguae lacerandi , ortum illius sibi explicant ; non minus frequens trismi causa in nimia compressione abdominis a fasciis illata sistere videtur. Quamquam saepius evolutionem hujus morbi ex causis nunc recensitis derivare debemus: attamen non semper nobis sufficientes viden- tur. Etenim in regionibus ubi endemice re- gnat trismus, saepius infantes ab omnibus nocentibus influxibus removentur; nihilomi- nus morbo corripiuntur, ideoque ad endemi- cum influxum atmosphaerae refugiendum est, ut aptum momentum inveniamus ad morbi evolutionem in uno eodemque loco semper restrictam explicandam. Causae endemice gras- santis trismi in variis regionibus ex modifica- tione, et varietate loci sunt quidem variae, attamen ubique fere inter se concordant;